Microsoft објави дека е завршена работата во врска со оптимизација на Windows 7 со цел да може да се извршува на уреди како телевизори и други наменски уреди. Оперативниот систем Windows Embedded Standard 7 им овозможува на развивачите на наменските уреди пролагодување и вклучување само на оние компоненти кои им се потребни со задржување на бројните напредни можности на оперативниот систем. Меѓу останатото, во Microsoft истакнуваат дека Windows Embedded Standard 7 овозможува извршување на Windows Media Center на далеку поголем број уреди отколку што тоа беше возможно во претходните верзии.