Според истражувањето на компанијата Net Applications, уделот на Internet Explorer на глобалниот пазар во април се спуштил на 59,95%. Тоа е прв пат уделот на прелистувачот од Microsoft да падне под 60 проценти, напоменуваат од компанијата. Од друга страна, останатите поголеми прелистувачи забележуваат мало зголемување на своите удели. Firefox држи 24,52%, Chrome 6,73%, а Safari 4,72%. Opera бележи благ пад од 2,37% , во претходниот месец, на 2,3%. Според уделот на оперативните системи, Microsoft и понатаму држи недопирливи 91,46%, Mac OS X има 5,32%, а Linux само 1,05%.